इटहरी, १९ असार । आमा र छोरी चढेको स्कुटरलाई टिपरले ठक्कर दिएपछि सुनसरीको इटहरी तनावग्रस्त बनेको छ।
केहीबेर अघि भएको यो घटनापछि प्रहरी र सर्वसाधारणबीच झडप भइरहेको छ।
दुर्घटनामा एक जनाको मृत्यु भएको स्थानीयबासीले बताएका छन्। तर, प्रहरीले भने घटनाबारे केही बताएको छैन।
कान्छाराम कन्स्ट्रक्सनको ना १ क ९१०७ नम्बरको टिपरले को १४ प ५२६ नम्बरको स्कुटरलाई ठक्कर दिएको हो। टिपरले ब्याक गरी मान्छे मारेको स्थानीयले आरोप लगाएका छन्। स्थानीयबासीले टिपर तोडफोड गरेका छन्।
