सखडा,सप्तरी, २ जेठ ।
सप्तरीको छिन्नमस्ता गाँउपालिका वडा नम्वर १ मा वडा अध्यक्ष सहित नेपाल कम्युनिष्ट पार्टी माऔवादी केन्द्रको सम्पुणर् प्यानल विजय भएको छ ।
माऔवादी केन्द्रको तर्फ बाट वडा अध्यक्ष पदका उम्मेदवार बनेका ललन प्रसाद यादवले ६ सय ८३ मत ल्याएर विजय भएको छ भने उनका निकटतम प्रतिद्धन्दी लोसपाका हरिकिसुन रायले ५ सय १० मत ल्याएका छन ।
त्यसैगरी माऔवादी केन्द्रको तर्फबाट महिला सदस्यमा सुलेखा देवी रायले ५ सय ३९, दलित महिला सदस्यमा पुनिता देवी रामले ५ सय ४९, खुल्ला सदस्य १ मा विन्देश्वर सुतिहारले ५ सय ४७ र खुल्ला सदस्य २ मा गुलटेन यादवले ५ सय ५५ मत ल्याएर विजय भएकाे छिन्नमस्तामा खटिएका निर्वाचन अधिकृत सुर्यराज घिमिरेले जानकारी दिएका छन ।
२ हजार ७ सय ३३ मतदाता रहेको वडा नम्वर १ मा २ हजार १ सय ८६ मतमात्र खसेका थिए ।
