राजबिराज, ८ चैत । सप्तरी जिल्लाको तिलाठी–कोइलाडी गाउँपालिका वडा नम्बर १ मा आगामी स्थानीय तह निर्वाचनलाई लक्षित गर्दै युवापुस्ताको सक्रियता बढ्दै गएको छ। यही क्रममा युवा नेता मोहनकुमार मिश्र ले वडाध्यक्ष पदमा उम्मेदवारी दिने घोषणा गरेका छन्।
उहाँको उम्मेदवारीले स्थानीय स्तरमा नयाँ आशा र उत्साह सिर्जना गरेको छ।
मोहनकुमार मिश्रले वडाको समग्र विकासलाई आफ्नो मुख्य एजेन्डा बनाएका छन्। शिक्षा, स्वास्थ्य, कृषि, पूर्वाधार विकास, रोजगार सिर्जना तथा युवाहरूको सशक्तीकरणलाई प्राथमिकतामा राख्दै उहाँले “परिवर्तनका लागि नयाँ नेतृत्व” आवश्यक रहेको धारणा व्यक्त गर्नुभएको छ। उहाँका अनुसार अबको नेतृत्व केवल भाषणमा सीमित नभई व्यवहारिक काममार्फत जनताको विश्वास जित्नुपर्ने समय आएको छ।
स्थानीय बासिन्दाहरूको आधारभूत समस्या समाधान, सडक तथा ढल व्यवस्थापन, सुरक्षित खानेपानीको पहुँच विस्तार, र डिजिटल सेवाको प्रवर्द्धनमा विशेष ध्यान दिने योजना उहाँले सार्वजनिक गर्नुभएको छ। साथै, वडा स्तरमै पारदर्शी र उत्तरदायी शासन प्रणाली स्थापना गर्ने प्रतिबद्धता पनि व्यक्त गर्नुभएको छ।
युवा पुस्तामा लोकप्रिय मानिएका मिश्रले सामाजिक कार्यमार्फत पहिल्यै जनतासँग नजिक सम्बन्ध बनाइसकेको स्थानीयहरूको भनाइ छ। उहाँको उम्मेदवारीले परम्परागत राजनीतिमा नयाँ ऊर्जा र सोच ल्याउने अपेक्षा गरिएको छ।
“हामी परिवर्तन चाहन्छौं, विकास चाहन्छौं, र त्यसका लागि नयाँ सोचको नेतृत्व आवश्यक छ,” मिश्रले भन्नुभयो, “म वडाको समृद्धि र जनताको सेवा नै मेरो पहिलो प्राथमिकता हुनेछ।”
आगामी निर्वाचनमा उहाँको उम्मेदवारीले वडा नम्बर १ मा प्रतिस्पर्धालाई थप रोचक बनाउने देखिएको छ।
