राजबिराज , १९ फाल्गुन । सप्तरी सदरमुकाम राजविराज नगरपालिकास्थित एक घरबाट लागूऔषध गांजा सहित कराेडाैंकाे तस्करीका सामान बरामद भएको छ ।
प्रमुख जिल्ला अधिकारी भोला दाहालको नेतृत्वमा नेपाल प्रहरीका एसपी ढकेन्द्र खतिवडा, सशस्त्र प्रहरी तथा राष्ट्रिय अनुसन्धानका टाेली सहित छापामारी गर्दा करिब तिन सय किलो गाँजा सहितका सामान बरामद गरिएको हो ।
राजविराज ९ मलेठ्स्थित बाबा भुतनाथ मन्दिर छिर्ने गेटको छेउको घरबाट सामन सहित एक ब्राह चक्कै ट्रक र तिन वटा नम्बर राखिएको स्कारपियाे बरामद भएको प्रमुख जिल्ला अधिकारी दहालले जानकारी दिनुभयो ।
घरमा लगाइएको ताला प्रहरीले तोडेपछि ठूलो मात्रामा गाँजा बरामद भएको छ । साथै स्याउ, चिनी, सुर्तीसहितका ठूलो मात्रामा सामान बरामद भएको छ ।
उक्त सामानहरु राेशन यादवकाे हुन सक्ने प्रारम्भिक अनुमान प्रमुख अधिकारीले जानकारी दिनुभयो ।
