राजविराज, ९ साउन । नेपाल प्रेस युनियनको नवौं महाधिबेशनमा सप्तरीबाट दुई जना केन्द्रिय सदस्यमा निर्वाचित भएका छन् ।
बागमती प्रदेशको राजधानी हेटौंडामा सम्पन्न नवौँ महाधिवेशनकाे मतगणनाकाे नतिजाबाट उनीहरू निर्वाचित भएका हुन । 
जसमध्ये मधेसी खुल्ला केन्द्रीय सदस्यमा मिथलेश यादवले ८५८ मत ल्याएर विजयी भएका छन् ।
त्यसैगरी मधेसी महिला केन्द्रीय सदस्यमा सुधा देव निर्विरोध निर्वाचित भएको निर्वाचन समितिका संयोजक एगराज पोखरेलले जानकारी दिए । यता नेपाल प्रेस युनियन सप्तरीका पुर्व अध्यक्ष ओमप्रकाश साह भने ६८ मतले पराजित भएका छन् । उनी मधेसीतर्फकाे सचिव पदका उम्मेदवार थिए । उक्त पदमा कान्तिपुर दैनिकका मधेस प्रदेश ब्युरो अजित तिवारी विजयी भएका हुन् ।
