काठमाडौ , ७ फाल्गुन । काठमाडौँको लाजिम्पाटमा एक मधेसी युवालाई दुर्व्यवहार गर्ने नक्कली डिएसपी पक्राउ परेका छन् । पक्राउ पर्नेमा कैलाली धनगढीका प्रवीण श्रेष्ठ रहेका छन् ।
दरबारमार्ग प्रहरीले ती व्यक्तिलाई आइतबार पक्राउ गरेको हो ।
उनले गत शनिवार राति लाजिम्पाट क्षेत्रमा गाडी साइड लगाउने विषयमा एक जना मधेसी युवालाई आफू प्रहरीको डिएसपी भएको भन्दै धाक धम्कीसहित गालीगलौज गरेका थिए ।
वीरगञ्जका युवकले गाडी ओभरटेक गरेको भन्दै श्रेष्ठले उनलाई ‘तँ इन्डियन नागरिकता छ कि छैन, म डिएसपी हुँ’ भन्दै अपशब्द समेत प्रयोग गरेका थिए ।
श्रेष्ठले गुप्तालाई धम्क्याएको भिडियो सामाजिक सञ्जालमा भाइरल भइरहेको छ । धम्क्याउने श्रेष्ठ प्रहरी नभएको दरबारमार्ग प्रहरीले जनाएको छ ।
नक्कली मधेसी मुलका मानिसलाई हेर्ने नजरिया फरक देखिएको नक्कली डिएसपी एक मात्रै पात्र हुन यस्ता प्रवृत्तिका निकै बढी भएको समाजि सञ्जालमा हेर्ने सकिन्छ ।
