राजबिराज, ०८ श्रावण । सप्तरीमा घरायसी विवाका कारण आफ्नै पत्नीको हत्या गरेको छ ।
जिल्लाको महादेवा गाउँपालिका वडा नम्बर २ अकबरपुर बस्ने ३५ बर्षीय रामरुप खंगले आफ्ने ३० बर्षीया पत्नी पार्वती खंगलाई कुटपिट गरी हत्या गरेको सप्तरी प्रहरीले जनाएको छ ।
घरायसी विवादमा रामरुपले कुटपिट गरेपछि गम्भीर घाइते भएकी पार्वतीको उपचारका क्रममा राजविराजस्थित रहेको छिन्नमस्ता अस्पतालमा मृत्यु भएको सप्तरी प्रहरीले जनाएको छ ।
रामरुपले पत्नीलाई कुटपिट गरिरहँदा बचाउन गएकी उनकी आमा ६१ वर्षीया समतोलिया खंग घाइते भएकी छन् । उनको राजविराजमा उपचार भइरहेको छ ।
आईतबार राति भएको यो घट्नापछि प्रहरीले रामरुपलाई नियन्त्रणमा लिएको छ ।
घट्ना सम्बन्धमा अन्य अनुसन्धान भइरहेको जिल्ला प्रहरी कार्यालय, सप्तरीले जनाएको छ ।
